PEŞƏKAR ŞƏXSİ
KÖMƏKÇİ XİDMƏTİ

Xanım müştərinin avtomobili xarab olmuşdu. Qatı ağ tüstü buraxırdı və mühərrik səslə işləyirdi. Müştəri özü ustaya ilk ziyarətini etmişdi və usta ona təxmini 1000–1200 manatlıq təmir ola biləcəyini bildirmişdi.

Biz nələr etdik?

Etibarnamə yazıldıqdan sonra əməkdaşımız avtomobili diaqnostikaya apardı, problemi təxmini müəyyən etdik, səhv istiqamətləndirmənin qarşısını aldıq və avtomobili müştəriyə geri qaytardıq. Daha sonra müştəri və usta ilə razılaşdırılmış vaxtda avtomobili yenidən götürüb servisə apardıq, təmir prosesinə nəzarət etdik və daha sonra geri gətirib təhvil verdik.

Xaricdə yaşayan müştərimizin yaşlı anası Bakıda yaşayır. Müştərimizin yaşlı anasına mütəmadi dəstək lazım olur. Bütün bu işləri müştərimiz bizə həvalə edib, mütəmadi gələn bütün tapşırıqları biz icra edirik.

Görülən işlər bunlardır:

• Həkim təyinatlarını danışıb, müştərini həkimə aparıb-gətirmək.
• Lazımi yemək və digər tələbatları alıb-gətirmək.
• Sənədlərlə bağlı işlər olanda müştərini aidiyyəti qurumlara aparıb-gətirmək və yanında müşayiət etmək.

Müştəri vaxt azlığı ilə bağlı özü nəzarət edə bilmirdi deyə, bütün prosesi bizə həvalə etdi. Ustaların işinə nəzarət etdik, materialların alınmasına nəzarət etdik, evdə köhnə əşyaların sökülüb çıxarılmasını və yeni mebellərin gətirilib quraşdırılmasını təşkil etdik. İki həftə boyunca müştərimizlə hər addımı təsdiqlətdik, video və görüntü hesabatları təqdim etdik. Beləliklə, müştərimiz şəxsi vaxtını və əsəblərini xərcləmədi, bizim vasitəmizlə kosmetik remonta nəzarət etdi.

Həmçinin daha sonra mənzilin kirayə verilməsini də bizə həvalə etdi. İnternet saytında elanı yerləşdirdik, gələn zənglərə cavab verdik, istəyənlərə mənzili göstərdik və yekunda kirayəçiyə təhvil verdik.

Müştərimiz xaricdə yaşadığı üçün Bakıda olan mənzil ilə bağlı növbəti işləri — vaxtaşırı mənzili təmizlətdirməyi və kommunal borcların ödənilməsini bizə həvalə edib.